SBB MUTRIKUARRAK

Hiru puntu, hirugarren garaioena etxetik kanpo. Denboraldi honetan hiru aldiz joan da SBB Eibarra eta guztietan hiru puntu ekarri ditu etxera. San Migel zelaia bukatzeko presarik ez dute batzuk eta Debako desterruan jolastutako sei puntutatik bakarra poltsikoratu dute. San Migele jokatu ezkero, agian SBB posturen bat gorago izango zen.

Partidu itxusia eta txarra jolastu zuen SBBk larunbatean. Hasi, ondo hasi ziren. Denboraldiko arrankerik onena egin zuten, mentalizatuak, lehenengo minututik golaren bila, eta baloi luze bat aprobetxatuz, Keomak 0-1ekoa bosgarren minuturako markagailuratu zuen. Urrengo ordu laurdenean ondo aritu ziren, eta aukerak ere izan ziren. Jeremyk atezainarekin buruz  buru baloia gora bota zuen, Masik ere aukera izan zuen… agian bigarrena sartu izan bazuten partidua beste era batekoa izango zen. Baina futbolak holakoxe gauzak ditu…

Lehen zatiaren erditik aurrera Urkik zelai erdian baloia bereganatu zuen eta arazoak sortu zituen. Aukerak ez asko. Argiena baliogabetutako gol bat, jokoz kanpoko argiagatik arbitroak baliorik gabe utzi zuen. Atsedenaldira estuasun gutxirekin iritsi ziren. Bigarren zatian ordea, Urkik gogor bultzatu zuen, eta jokalari bat gutxiagoz geratu arren, estu hartu zuten SBB. Aukera argirik etzen izan bukaerararte, baina SBBk eman zuen irudia, zelaian galduta zegoela izan zen. Aurkaria bat gutxiagoz izan arren ez zuten partidua hiltzen jakin, ezta baloia bereganatzen ere. Azkenean, kaosaren erdian hiru puntu, eta lehen itzulia bukatzeko partidu baten faltan, hirugarren postuari eusten dio taldeak.

p.d: partiduan izan baziñen eta argazkirik baldin baduzu, bidali sbbmutrikuarrak@gmail.com helbidera.

Deskansu jardunaldia eta gero, berriro ere Unbeko zelaietara bueltatuko da SBB Mutrikuarrak. Larunbatean arratsaldeko 17:30tatik aurrera Urki-ren aurka jokatuko du taldeak. SBBk etxetik kanpo jokatutako partida guztiak irabazi ditu eta hirugarren garaipana jarraian lortu nahi dute.

Lau partida jokatu eta gero SBB hirugarren postuan dago. Aurretik Gazteak bi puntutara eta Mondragon sei puntutara dago, biak ere partidu bat gehiago jolastu dituztelarik. bi jardunaldi gelditzen dira lehen faseko lehen itzulia bukatzeko eta bi jardunaldi horietan Gazteaki lehen eta Mondragoni gero, tokatzen zaie deskansu jardunaldia. Beraz, Urkiren kontra irabazi ezkero distantziak moztutzeko aukera ona izango da. Berriro ere eibarra, ea berriro ere 3 puntuak ekartzeko beta dagoen aurreko aldietan bezela.

Afizioari ere deialdia egin nahi dio taldeak, larunbatean ordu politan baita partidua, arratsaldeko 17:30tan Unbeko goiko zelaian. Partidu ostean, garaipena elkarrekin ospatzeko esperantzarekin joango gara denok eibarra.

haunditzen…

¿Zer iruitzen web hau? Ez dago gaizki, ezta? Baina argazki batzuk falta. SBB Mutrikuarrakek zalegoari dei egin nahi die partiduetan argazkiak atera eta web era bidaltzeko animatuz. Sor dezagun argazki galeria bat eta partiduetako irudiekin dotoretu weba.

Boluntarioek idatz dezatela sbbmutrikuarrak@gmail.com helbidera.

SBBk bere bigarren garaipena lortu zuen igande goizean Eibartarrak “B” taldearen aurka. Goizean goiz jokatu zen partidua, 10tan eta ordua eta euriari aurre eginaz zalegoa berriz ere, SBBri animatzera hurbildu zen. Beraientzat izan dadila garaipen hau.

Denboraldiko minuturik onenak eskaini zituzten Ulaziaren mutilek, agian ez zuten lehen jardunaldiko intentsitatearekin jolastu, baina hala ere, joko maila dotorea eskaini zuten. Esan beharra dago huts eta bikoa emaitza labur xamarra geratu zela.

Lehen zatian gehiago izan arren ez zuen SBBk golik egiterik izan, aukerak izan, izan zituzten: Jeremyk, Ferminek, Bensanek… Hala ere, Eibartarrakek izan zuen aukerarik argiena baina Pablok bere maila erakutsi zuen eta izugarrizko gelditua egin zuen.

Bigarren zatian gauzak aldatu egin ziren. Lezertuak ezkerretik ateratako falta bat Bensanek burukatu eta 0-1 ekoa markagailura. Hortik aurrera SBBren futbolik onena ikusi genuan denboraldi honetan. Aukerak bata bestearen atzetik izan arren, ate aurrean kamuts. Bukaerarako ordu laurdena faltan Matuk bigarren gola egin zuen eta lasaitasunez bizi izan zituzten azken minutuak Mutrikuarrek.

Etxetik kanpoko partiduak garaipenekin kontatzen dituzte horrela Mutrikuarrek. Aste honetan deskantsu jardunaldia dute eta urrengo astean berriro ere etxetik kanpo eibarren jolastuko dute Urkiren aurka, ea berriro ere garaiperarekin bueltatzea duten.

Igandean goizo jaikitzea tokatuko zaio SBBri. Eibartarrak B – SBB Mutrikuarrak goizeko 10tan jolastuko da Unbeko beheko zelaian. Orain arteko hiru partiduetan afizioa fidela izan da taldeari eta hauen hatsak puntuak batzen lagundu du, baina aste honetan baimena emango diegu jai hartzeko.

John B. Toschack Real Madrilen entrenatzaile zela, partidu bat galdu ostean ondoko esaldia famatu bilakatu zuen: hemos perdido porque jugamos como pollos sin cabeza. Halaxe aritu zen SBB aurreko igandean. Irabazten hasi arren 1-3 galdu zuten UDA – Arizmendiren aurka.

Partidua ondo hasi zuten Ulaziaren mutilek. Ordu laurdena bete aurretik bat eta hutsekoa markagailura eraman zuten korner bat Lezertuak burukadaz sareetara bidaltzean. Hortik aurrera arazoak, urrengo minutuan arbitroak penalty adierazi bait zuen Fugasek aurrelaria lurrera bidaltzean. Penaltyz banakoa, handik hamar minututa, ustezko jokoz kanpokoa arbitroak ez zuen adierazi eta 2-1 aurretik atsedenaldira Atxabaltarrak.

SBBk izan zituen aukerak, Maurik langara, Lertxundiri gola anulatu, Bensani goleko baloia atezainak gelditu ederrarekin atera… kanpotarrek aukera gutxiago egin arren hiru puntuak patrikaratu zituzten. Zergaitik? buru gabeko oilaskoak bezela aritu zirelako Mutrikuarrak zelaian. Egia da epaileak hartutako erabakiek ez zutela taldea lagundu, baina partidu osteko sentzazioa SBBk irabaztea ez zuela merezi izan zen.

Datorren astean Eibartarraken aurka izango da partidua, garaipena lortzeko aukera.

Bere historiako lehen garaipena lortu zuen larunbatean SBBk. Eibarren, Unbe zelaian Gazteaken kontra jokatutako partidan 2-4 gailendu ziren Mutrikuarrak. Partidu zaila, falta asko, joko gogorra eta trabatua… eta azkenean hiru puntuak Mutriku aldera.

Arratsalde beroa izan zen Eibarren eta nahiz eta partidua arratsaldeko 15:30tan jolastu, SBBren “hooligan2 asko hurbildu ziren. Etzen partidua ondo hasi. Hogeigarren minuturako ezker hegaletik ateratako erdiraketa bat pozoindu eta sare barruan bukatu zuen. SBB-k hala ere, bereari jarraituz, aukerak sortzen hasi zen, eta aurreko astean bezela, atsedenaldirako gutxi falta zela, Otxagabiak ezkerretik erdiratu eta bigarren zutoñean hilda geratutako baloia Masillasek barrura. Banakoarekin aldageletara.

Bigarren zatia hasi eta bosgarren segundurako partiduko aukera inozoena. Zelai erditik Bensanek luze jotako baloia atzelariak urrundu nahiean bere atera bota eta baloiak largeroan jo ostean atezainak hartu zuen. Etzen argi geratu baloia sartu zen edo ez. Hortik aurrera, SBB jaun eta jabe. Aukerak bata bestearen atzetik etorri arren, golik ezin sartuta ibili ziren. Futbolak holakoxe gauzak ditu, eta Gazteakek, ezker bandako kontraeraso batetan 2-1ekoa sartu zuren ordu laurdenaren faltan. Bazirudien SBBk lehen porrota ekarriko zuela Mutriku aldera, baina talde honen fedea mugaezeina da.

Futbola hankekin jolastu arren, buruarekin irabazten da. Gazteak talde gogorra da, 90 minututan ez zuten arbitroaren erabakiak protestatzea utzi. Esan beharra dago, arbitroa ez zela oso fin ibili, eta norbait kaltetu bazuen, SBB izan zela, pare bat penalti argi jan baitzituen. Eibartarrek, protestatu beharraren beharraz, burua galdu zuten eta epaileen erabakiez tentuago zeuden jokoarekin baino. Horrela, bi eta batekotik berdinketara minutu gutxitan lortu zuten, Mikel Otxagabiak area barruan aldaratze bat probestuz eta handik bost minutura zelaira sartu berria zen Keomak 2 eta 3koa egin zuen, lehen golaren antzeko jokaldi batean.

Hortxe bukatu zen partidua. Eibartarren protesten aurrean epaileak jokalari bat egotzi zien eta SBBk partidua moteldu zuen. Partidua amaitzear zela, eta Gazteakek zuen indar apurra SBBren arean  irauilita, Ferminen zelai erdia korrika egin, atezaina ebatzi eta laugarren gola sartu zuen.

Azkenean 2-4 eta SBB Mutrikuarrak lidertzan jarri da.

Lehen jardunaldiko puntua hontzat emanda, Eibarren jokatu beharko du SBBk Gazteaken aurka. Eibartarrek lehen partiduan 1-5 jipoitu zuten Urki eta talde gogorra izango dira inolaz ere. Partidua larunbatean jolastuko Eibarko Unbe instalazioetan, goiko zelaian arratsaldeko 15:30tan. Zalegoari berriro deia egiten dio SBBk partidura hurbildu daitezen. Unberan nola iritsi jakin nahi baduzu klikatu hemen.

Horrela daude lehen jardunaldiko emaitzak eta sailkapena

SBB Mutrikuarrak 1 – 1 Mondragón “B”

Urki 1 – 5 Gazteak F.T.

Bergara “B” 6 – 1 Eibartarrak “B”

UDA Arizmendik deskansatu egin du.

Sailkapena 1. jardunaldia

1.- Bergara “B”

2.- Gazteak

3.- SBB Mutrikuarrak

4.- Mondragón “B” 

5.- UDA Arizmendi

6.- Urki

7.- Eibartarrak

Pako, Lezertua, Azkarate, Txatua, Bensan, Aiert, Mauri, Igor, Madera, Fer eta Lertxundi. Lehen alineazio historikoa

Bere historiako lehen puntua batu zuen atzo SBB Mutrikuarrakek. Debako Errotazar zelaian jokaturiko partiduan bana berdindu zuen Arrasate B taldearen aurka. Futbol arratsaldea izan zen atzo Deban, aurrez Amaikak Bat eta Mutriku F.T -ren arteko derbia izan baitzen. Mutriku 1-2 gailendu zen.

Baña arratsaldeko zita nagusia SBBren lehen partidu ofiziala zen. Horrenbeste lan, esfortzu, entrenamenduak, administrazio eta federazioko tramiteak…azkenean iritsi zen lehen partidu ofiziala. Eta taldeak ez zuen dezepzionatu.

Arrasatearran maila iaz galdu zuten eta berriro ere igotzea dute helburu. Lehen minututik aurrera egin zuten eta estu hartu zuten SBB. Hala, lehen ordu laurdena bete aurretik 0-1 jarri ziren aurretik. Erasoko jokaldi ona egin zuten arrasatearrek eta atea zulatu zuten. Bost minutu geroago beste aukera bikain bat izan zuten, baina Pablok gelditu aparta eginaz baloia aldentzea lortu zuen. Haserako zaparrada eta gero SBB bere futbola aurkitzen hasi zen. Pase luzea eta Madera eta Ferminen abiadura probestuz aukerak sortzen hasi ziren. Zelai erdian Lertxundi, Igor eta Mauri ere baloia mugitzen hasi ziren eta SBBk partiduaren agintea hartu zuen. Geldikako baloiekin arriskua areagotu zuten eta horrela, ezken bandatik Maurik ateratako falta bat Lezertuak sareetan jarri zuen burukada eder batekin. Markagailuan bana SBBren historiako lehen golarekin.

Orduan iritsi ziren SBBren minuturik onenak. Zalegoa kantuan hasi zen eta taldeak bultzada sumatu zuen. Hurbil izan zuen bi eta batekoa Mutrikuarrakek, batez ere Maderaren barnekaldi baten, baina epaileak jokoz kanpo adierazi zuen. Dudakoa inolaz ere, baina linier gabe zaila da horrelakoak ikustea.

Bigarren zatia gogorra izan zen jokalarientzat. Euri jasa demasa bota zuen eta jokoa asko moteldu zen. Jokalariak ere arropak guztiz bustita, pisututa…partidua asko hoztu zen. Aldaketa asko izan ziren eta erritmoa moteldu. SBBk izan zituen bere aukerak, batez ere Maurik jaurtitako falta batetan, baina atezain arrasatearrak galdiketa ona egin zion. Minutuak aurrera joan ala bi taldeek hontzat  eman zuten berdinketa eta partidu bukaeran zaporo gozoarekin joan ziren Mutrikuarrak aldagelara. Taldekideentzat SBB Mutrikuarraken jolastean, norbere parte bat jartzen du jokoan, eta hori zelaian igarri egiten da. Inplikazioa, gogoa eta irabazteko nahi horrek puntu asko emango dizkie Ulaziaren mutilei. Momentuz, atzo bakarrarekin konformatu behar. Ea datorren astean urrengo hirurak batzeko aukera duten.

Ibai (delegatua), Lezertua, Lertxundi, Azkarate, Bensan, Aiert, Xabi Ulazia (entrenatzailea)Fugas, Pako, Masillas, Matutin, Lete, Mauri, Txatua, Igor, Fer, Madera, Tita eta Ogitxiki

haunditzen…

ESKERRIK ASKO DEBARA HURBILDU ZIREN ZALE GUZTIEI!!!!!

Zaleak urduri

sbb mutrikuarrak

Azkenean iritsi da eguna. Gaur SBB Mutrikuarraken lehen partidua izango da. Hemendik ehun urtera, SBBren mendeurreneko ospakizunak izaten direnean, Real Madril edota Liverpoolen aurkako partidu aurretik gaur Debako Errotazar zelaian arituko den hamaikakoa gogoratuko da. Gaur da SBB lehenenko eguna.

Hilabete eta erdi da aurredenboraldia hasi zela eta gogor lana egin du taldeak. Eta ez lan fisikoa bakarrik, bestelako oztopoak ere gaindutu ditugu. Lehen eguna etxetik urrun izango da, San Migel obrak bukatzear egon arren oraindik ez dago prest eta erbestean jokatu behar du taldeak.

Mutrikuar desenbarkua izango da gaur Deban ordea. Arratsaldeko 4:30tan Amaikak Bat – Mutriku F.T. izango da eta bukatzean SBB Mutrikuarrak – Mondragon B, arratsaldeko 19:15tatik aurrera. Zalegoa hurbltzea espero dugu, lehen egun honetan taldeari babesa emateko. Eguraldi txarra oztopo izango ez delakoan zale guztiei deialdia egin nai diote bai zuzendaritzak, bai taldekideek, zuen hatsa gurekin sentitzea sekulako bultzada baita proiektu berri honetan.

Bestalde, SBB Mutrikuarrakek “Hitza” eskertu nahi du eman beraien horrietan gorde diguten tartetxoagatik. Irakurri artikulua hemen.