SBB MUTRIKUARRAK

Hitzez zaila da azaltzen. Sentimendu bat da, barru barrutik ateratzen dena. Batzun ustez, genetikan dago, jaiotzean izaten da, beste batzuek diote berriz, ikasi egiten dela. Izen bat jarri behar bagenio, lehiakortasuna hitza da antzik handiena duena. Baina ez da lehiakortasuna bakarrik. Norbere  harrotasuna dago jokoan, norbere lotsak, Mutrikuarretaz ze esango duten dago jokoan. Seguruenik, SBBko jolakari guztiek ez dute berezkoa sentimendu hori, baina edertasuna ezezik, beste guztia pegatzen denez, zelaian lehiakortasuna nabari zaio taldeari.

Bergarara etxeko lanak bukatuta joan zen SBB. Igande pasa joan zela esan daiteke. Hamairu lagun deialdian eta aurrean Bergara B. Seguruenik Bergara da multzoko talderik onena, baina Mutrikuarrek sobran dutena falta zaie. Azkar sartu zuten lehen gola etxekoek, korner batean erraztasun handiak eman, eta 1-0 markagailuan. Hortik aurrera aldatu ziren gauzak. Lehen gol horrek nolabait taldea esnarazi zuen, sailkapena poltsikoan izan arren, ez dauda Mutrikuarrak inok humila ditzaten uzteko asmoz. Hor aldatu zen partidua. Haserako enpanada gainetik kendu orduko sartu zuten berdinketa Bensanek erretxaze bat buruz jo ostean. Urrengo jokaldian penalty argia kontra, eta Pablok izugarrizko gelditua. Esnatzen hasi orduko berdinketa, eta ohetik jaitze orduko markagailuan aurretik, Matuk, bertako huts bat probestu ostean.

Atsedenaldira 1-2 eta hortik aurrera SBB baino, italiar selekzio izan zen zelai gainean. Defentsan erraz, eta baloi luzeak bilatu Leteren buru bila. Izugarri ibili zen taldeko aitona. Baloi guztiak irabazi zituen buruz, presionatu, kontrarioa nazkatu eta publikoak gozatu egin zuen bere gazte denporetan bezela. PArtidua aurrera joan ala, Bergara etsitzen joan zen, eta hirugarrena sartu zuen SBBk partidua sententziatuz.

Lehen fase hau hirugarren bukatuta, igoera fasea lasai hartzeko eskubidea irabazi du SBBk. Ez du presiorik, ez beharrik, denboraldiko helburua beteta baitago, uste baino hobeto gainera. Hemendik aurrera ondo pasatzen saiatu, etxeko partiduetan zalegoa dibertarazi eta denborak esango du non bukatzen duen talde honek. Baina aurreko igandeko partidua ikusi ezgero, kaniketan ere gustatzen ez zaiela ikusi eta gero, nork daki, barru barrutik ateratzen zaien lehiakortasun horrekin agian sorpresaren bat eman lezake taldeak.

puztuta…

Bat, bi, hiru lau…bost sei, zazpi…Mutrikuarrak, fuolian irababazi, beti! Horixe kantatzen zuten dozena bat mutikok San Migelko armailletan. SBBren bandera hartu eta gustura izan ziren gaztetxoak partidua ikusten. Herrian zeozer entzungo zuten, Mutrikuko talde “eskasa” dela SBB, ganoragabeak eta beste halakoak, baina larunbateko 4-0 emaitzaren ondoren, beste irudi bat izango dute agian. Bakoitzari berea: ondo egindako lanaren frutuak jaso zituen Mutrikuarrakek larunbatean. Onena, SBBk jendea erakartzen duela da, larunbatean SBB ikusten igandean Mutriku F.T. ikusten beste jende baitzegoen. Estreinaldi paregabea San Migel eraberrituan jolastutako lehen partidu ofizialean.

Partidu polita jokatu zuen SBBk larunbatean Urkiren kontra. Puntu bakarra nahikoa zuen igoera fasera sailkatzeko, eta orain hamabost egun izandako estropezua konpontzeko asmoz, oso zentratuta atera zen taldea. Lehen bost minutuetan duda batzuk erakutsi arren, hortik aurrera maldan behera izan zen norgehiagoka.

Hamaikakoan Fugas izan zen atean, Pablok min hartu baitzuen astean. Atzean Kere eta Azkarate hegaletan, defenditzen baino erasoan denpora gehiago emateak asko eskertzen du taldeak. Zentral Lezertua eta Lertxundi. Porru errazegi debil kategorian, txiki geratzen zaio. SBB mailako bost multzoetako laugarren taldea da enkajatutako goletan. Hamaika gol hamaika partidutan sartu dizkiote, bost partidutan markagailua hutsean lagaz. Lan defensibo ona egiten du taldeak, bere linea guztietan eta izaten dituen aukerak aprobetxatzen baditu, punto asko pila dezake Ulaziaren taldeak.

Zelai erdian hegaletan izan ziren nobedade nagusiak, Tita eta Matu izan baitziren eskuin-ezker. Euskarriak Bensan eta We. Bensan, edozein taldek desio duen jokalaria da, baloi asko errekuperatzen baititu eta lan ilun hori inork baino hobeto egiten du, eta gainera gola egin zuen korner bat errematatzean. ¿zer gehiago eskatu liteke? We, berriz, beltza izango balitz, atletismora dedikatzera behartuko genuke, baina bitartean jarrai dezala SBBren kamiseta defendatzen. Aurrelarietaz hitz egiteko, jarri gaitezen zutik ordenadore aurrean: Igor eta Ferminek, gol bana bakoitzak, erakustaldia eman zuten. Ferminek abiadura eta baloiaren kondukzioan, Igorren, linea arteko jokoan eta regatean. Aurkariak erraztasunak eman zituen, bai, baina taldearen meritua ezin daiteke mesprexatu. Horrela, lehen zatian aldageletara lau eta hutsekoarekin.

Bigarren zatian aldaketa asko izan ziren, Urkiza, Mauri, Txatua, Baraka eta Lete zelairatu ziren. Taldeak erraz jarraitu arren intentsitatea apur bat jeitsi zuen eta golik egin ez arren, itxura ona eman zuen. Aipagarria, bide batez, Leteren lana. Berrogei urte pasa arren, bizkarkako jokoa inok ez bezela dominatzen du.

Eta orain zer? SBBk bete du bere helburua eta igoera fasea jokatuko du urtarrilaren 10z gero. Aurrez, datorren astean Bergarara joango da azken partidua jokatzera eta ohikoak izan ez direnak izango dituzte minutuak. Igoera faserako ze helburu? Partiduz partidu joan, inolako presiorik gabe, itxura ona ematen sahiatu, eta inor baino gutxiago ez garela sinistuz, nork daki non bukatu lezakeen SBBk.

Futbol festa izango dugu bihar arratsaldea, abenduak 5, San Miguel Futbol Zelai eraberrituan. Obrak asko luzatu diren arren, SBBk lehen partidua jokatuko du Mutrikun.

Partidua ezta Ligakoa izango, aste honetan deskantsu jardunaldia baita, beraz aurkaria Mutriku-Senegal izango da. Talde hau inguruko herrietan bizi diren etorkin senegaldarrek osatzen dute.

Partidua arratsaldeko 5:30tan izango da eta afizioari eta futbol zale guztiei egiten diegu deia hurbildu daitezen, sorpresa asko izango baitira bertan. Taldearen bandera esekiko da zelaian eta atsedenaldian jolas erakargarri bat egingo da. Bost zalek zelaira jeitsi eta atera jaurtitzeko aukera izango dute zelai erditik. Jaurtiketa boterik eman gabe atean sartzen bada, bi lagunentzako afari ederra irabaziko du Jarri Toki jatetxean. Gabonak bertan direlarik, ez al zara animatuko afari hori irabazten sahiatzera?

Animo eta etorri guztiok!!

SBB, haunditzen…

SBBk hutsean berdindu zuen larunbatean Eibartarraken aurka. Aurkaria azkena izan arren, SBBk ezin izan zuen hirugarren garaipena eskuratu erreskadan. PArtidua hasi aurretik igarri zen arratsalde arraroa izango zela. Zelaia berandu ireki zuten, beroketan Aritz Azkarate lesionatu zen eta hegoaize gogorrak ia SBBko talde osoa Oz-eko lurretara eraman zituen.

Aurkaria baino askoz hobeago izan zen SBB. Aukerak dozenak izan arren ez zuen golik egin. Aurreko astean aukera argi bakarra izan eta 0-1 emaitzarekin etxera. Aste hontan berriz, erraz irabazi beharreko partiduan etzuen gola egiten asmatu.

Atean berriro ere Fugas (ta berriro atea hutsean) atzean erraz ibili ziren Kere, Urkiza, Lertxundi eta Ogitxiki. Errazegi agian. Zelai erdian Bensan eta We euskarri, Keoma eta Mauri hegaletan eta Jeremy eta Tita aurrean. Esan leike, jokalari guztiek izan zutela aukera gola egiteko, baina etzegoen baloia sareetara bidaltzerik. Lehenengo zatian Jeremy, Keoma, Tita eta Bensan oso hurbil izan ziren goletik, baina atezainak batzutan eta apuntei txarrak bestetan, markagailua etzen mugitu.

Bigarren zatian, lehenengo zatiako istorio berdina. Bigarren zatian atera ziren Otxa eta Txatuak ere izan zuten aukera, baina larunbatean gola sartzea Santo Griala aurkitzea baino zailago zegoen. Azkenean puntu bat gehiago eta igoera fasera sailkatzeko aukerak berdin jarraitzen dute. UDAk berdindu egin zuen Arrasaten eta Bergarak Gazteak-i irabazi. Sailkapena asko estutu da beraz, eta tartetik handiena atzekoekin du SBBk, sei puntuko aldea eta bederatzi jokoan.

SBBk ez ditu gauzak erraz izan sortu denetik. Ez du herritar askoren oniritzirik izan, ez diru laguntza askorik, ezta entrenatzeko eta jolasteko beharrezkoa den zelaia lortzeko erraztasunik ere. Hasiera gogorra izan arren, taldea egin da, zelaitik kanpo eta zelaian ere bai. Eta horixe bera erakutsi zuen SBBk larunbatean Ibarra futbol zelaian.

Baja askorekin zelairatu zen SBB Aretxabaletan UDA-Arizmendiren aurka. Aurreko astetik aldaketa askotxo egin beharrean izan zen taldea. Berriro ere Fugas atean, atzean Ogitxiki, Lezertua, Lertxundi eta Azkarate. Aurretik Bensan eta We, eskuin hegalean Txatua, ezkerrean Keoma eta aurrean Fermin eta Baraka. Hasi aurretik taldearen helburua ez galtzea zen. Aretxabaleta beti da zelai gogorra eta puntu bat ekartzea ez legoke gaizki eta atsedenaldira emaitza horrekin iristea zen. Baina zelaian lehen zatian ikusi zena eta gero berdinketa sari txikia izango zela argi geratu zen.

Haize gogorra zen zelaian eta horrek futbola itsusitu arren, SBB gehiago izan zen. UDA Arizmendiri baloiak ez zion asko irauten Bensan eta We-k imanak bota barruan jarri baitzituzten. Atzean ez zuten estuasun handirik izan, besteak beste, Fugasek goitik esekitako baloi guztiak harrapatu baitzituen. Bakarra huts egin zuen eta Lezertuak langapetik atera zuen, Fugasen bizkartzain lanak eginaz. Talde hontan, taldekideen artean, elkarren bizkartzain lanak guztiek egiten baitute. Erasoan lehen zatian ez zuen SBBk aukera garbirik egin ere, baina arrisku sentsazioa lehen minututik azkeneraino eman zuten.

Atsedenaldira hutsean iritsita, aldagelako konjura etorri zen. Berdinketa gutxi izan eta, SBBk orain arteko partidu guztietan sartu du golen bat, eta Aretxabaletan ere aukera izan, sartu eta probestea zen helburu. Esan eta egin. Bigarren zatian Masi zelaian zelarik, aurkako korner bat Ogitxikik kanpora atera, baloia alboko marratik galdu aurretik urrundu, Ferminek eraman, erdiratu eta Keomak bigarren zutoinean barrura. Seigarren gola Keomak urteko kontraerasorik onena burutzeko. Poza ezin eutsi…

Hortik aurrera komeriak. Masik falta bakarra egin arren bi txartel ikusi eta kalera bota zuen epaileak inok ulertu ez zuen erabaki arraro batean. UDA Arizmendi ere, markagailuan atzetik eta jokoan ezinean ikustean partidua zikintzen hasi zen baina SBBk italiarren kamiseta jantzi eta denpora ondo manejatu zuen bukaerarate. Ezin liteke esan  estuasun handirik pasa zutenik. Bigarren zatian aurrera joanda Urkiza, Matu eta Tita atera ziren eta hauen lana ere goraipatzekoa. Defentsa lanean, talde lanean eta norbere gaitasunean taldeak duen fedean oinarritu zuen garaipena SBBk.

Azken hiru partiduetan taldeak izan duen gorakada oso nabarmena da. Arrazoia aurkitzea ez da erraza, egia esan, baina taldeak bere sorrera honetan izan dituen zailtasunek zerikusia izan dutelakoan gara. SBBn jolastean norbere zati bat jartzen du zelaian, norbere estima jartzen du zelaian. Gauzak errazak izan ez arren taldea aurrera doa eta larunbateko 3 puntuekin igoera fasea esku eskura jarri zaio. Hau da bidea eta ondo ikasi du lekzioa taldeak.

Debako desterruan lehen garaipena lortu zuen SBBk larunbatean. Eta ondo merezita. Taldea hobetzen doa. Aurreko asteko lehen zatian erakutsi zuen talde bezela jolastu dezakeela, eta larunbatekoak konfirmatu egin zuen. Hasieratik jokalariak oso motibatuta atera ziren. Hamaikakoan aldaketa ugari izan ziren. Atean Fugas, Kerek eskuin hegala hartu zuen defentsan eta Ferminek ezker hegala. Erditik Lertxundi eta Lezertua. Arazorik gabe. Atzealdeak ondo eutsi zion partidu osoan, eta bestetan ez bezela ez zuen estuasun handirik izan. Bensan ere lesioa gaindituta hamaikakora itzuli zen. Eta asko igarri zuen taldeak. Hegaletan ezkerrtik Keoma eta eskuinetik Txatua. Punta erdi lanetan Igor eta aurrean Jeremy eta Baraka. Erasoan jokaldi polit bakan batzuk ikusi genituen baina ordu erdia iritsi harte etzen golik azaldu. Kerek luze ateratako banda Bensanek errematatu eta atezainak geratu ostean Keomak gola. Minutu onak eta merezitako emaitza. Lehen zatia bukatuta zela, eskuin aldetik Lezertuak falta atera eta lehen zutoinean Keomak ikutu ostean bi eta hutsekoa markagailura. Bost gol daramatza taldeko 20 zenbakiak 8 partidutan.

Bigarren zatia kontatzen hasi beharko bagenu, trilogia idazteko emango liguke. Eta protagonista bakarrarekin: epailea. Partida gehiegitan gelditu zuen jokalarien protestak eta faltak moztu nahian. Gazteak F.T ez dira ixilik egotekoak eta erabaki guztiak protestatzen zituezten. Momentu surrealista oraindik ordu erdi geratzen zenean iritsi zen. Epaileak Gazteak-eko jokalari bat egotzi zuen bigarren txartel horia aterata, baina jokalaria zelaitik ateratzeari uko egin zion, aurrez txartelik etzuela esanaz. Eibartar talde osoa protestaka zebilela, arbitroak aldageletarako bidea hartu zuen. Afizioak etzekien barrez lehertu edo etxera joan. Halako batean, ordu laurdena pasata berriro ere itzuli zen, Gazteakek 11 jokalarirekin jarraitu zuen. Ez denpora askoan, berriro ere, aurrerago egotzitako jokalaria bota baitzuen epaileak hirugarren txartela erakutsita.

Hortik aurrera partidua hoztu egin zen eta Gazteaken azken sahiakeran egon baziren ere, SBBk errenta handitzeko parada izan zuen Kerek egindako urruneko jaurtiketa batetan.

Igoera fasean sartzeko aukerak orain argiago ditu SBBk. Guztiz argitzeko ezinbestekoa izango zaio aste honetan Aretxabaletan izango duen partidutik punturen bat ekartzea. Aurreko asteetako itxura mantenduz gero, puntuak bakarrik iritsiko dira.

Gaur arratsaldeko entrenamendua Ondabarron izan beharko da arratsaldeko 7tatik aurrera. Udaletxearen ganoragabekeriak futbol zelaian obran dauden langileen patxadaren erruz, berriro ere Ondabarroko basatzan entrenatu behako gara.

Liderrari egin zion bisita SBBk eta 2-1 galdu. Hala ere, ezin daiteke esan gutxiago izan zirenik. Lehenengo zati oso ona egin zuten, atzean gogor eutsiz eta kontraerasoak erabiliz arriskua ere eraman zuten. Arrasatearrek futbol ona egiten dute, eta SBBk futbol zuzenagoa erabili beharra du, baina hala ere taldeen arteko kolpe trukaketan ez zen gutxiago izan. Atsedenaldira hutsean iritsi arren, bigarren zatiaren haseran zoritxarreko jokaldi baten 1-0eko sartu zuten Mondragonek falta bat errematatu ostean. Falta izan ez zen mano baten ondoren etorri zen. Zoritxarrak atzetik jarri zuen SBB. Kolpe moral latza izan zen, eta handik minutu gutxitara 2-0eko sartu zuten.

Hortik aurrera, SBBk gutxi galtzeko izanik, aurrera jo zuen, eta azken ordu erdian estu hartu zuen Mondra. Batez ere, ordu laurdenaren faltan Keomak sartutako golaren ondoren.

Azkenean 2-1 galdu eta arazotan sartu da SBB, bost puntu ateratzen baitizkiote aurretik duten taldeek eta Arizmendi, atzetik duenak, partida bat gutxiago baitauka. Datorren asteburuan Gazteak izango du aurkari, igoera fasera sailkatzeko arerio zuzena. Irabaztea ezinbestekoa. Denboraldiko lehen finala beraz datorren asteburuan.

Hirugarren garaipena bilatuko du jarraian SBBk bihar arratsaldeko 18:30tik aurrera Errotazar (Deba) zelaian. Aurkari Bergara izango da eta Gaba Beltza izanik Mutrikun, afizioak egin du bere plana: litroak zelaian, SBB animatu eta gero mutrikun parranda segi, garaipenarekin bada, askoz hobe.

Afizioaren bultzada ezinbestekoa izango da. Garaipenak bigarren postura altsatuko ditu Mutrikuarrak, eta igoera faserako aurrera pausu handia emango dute. Afizioaren bultzada ezinbestekoa izango da, taldearen bajak kontuan hartuta.